يقول المثل

اللي مايعدك راس مال لاتعده فايده

من احب الاغاني الى قلبي

المعازيم

يوم اقلبت.. صوت لها جرحي القديم يوم اقبلت .. طرنا لها انا وشوقي والنسيم وعيونها .. عين المحتني وشهقت وعين حضنت عيني وبكت

ويافرحتي الحظ الليله كريم..

محبوبتي معزومه من ضمن المعازيم.
في زحمة الناس صعبه حالتي فجأه اختلف لوني وضاعت خطوتي
مثلي اوقفت تلمس جروحي وحيرتي بعيده اوقفت وانا بعيد بلهفتي
ماحد عرف اللي حصل وماحد لمس مثلي الامل
كل ابتسامه مهاجره جات رجعت لشفتي
وكل الدروب الضايعه مني تنادي خطوتي ويارحلة الغربه..

وداعا رحلتي ياعيون الكون غضي بالنظر اتركينا اثتين
عين تحكي لعين اتركينا الشوق ماخلى حذر بلاخوف بنلتقي..
وبلا حيرة بنلتقي بالتقي بعيونها وعيونها احلى وطن..

وكل الامان

كلمات/ فائق عبدالجليل
الله يرحمه

ماودكم يوم من الايام تصيرون بطال في شي معين رياضي
بطل ركوب الخيل
بطل رمايه
بطل سباحه
بطل تنس

الصراحه امنية حياتي اكون بطلة شي
والصراحه انا
بطلة الكسل
:(

كل شي ااجله بعدين
او كله مالي خلق
او لاحقين شدعوه بتطير الدنيا
:(

الصراحه شي يضيق الخلق


انتوا شرايكم؟؟

كل شخص في هالدنيا يحب تكون لها مملكته الخاصه فيه.. شغله وخصوصياته , وهواياته واسراره .. من غير ما احد يتدخل في هالشي
,طبعا تختلف الاذواق في كل مملكه.. على حسب الهوايه

عن نفسي مكاني الخاص في طور الانشاء وانشاءالله راح يكون عباره عن مرسم واستوديو ومكتب

اكيد كل واحد عنده هالمكان الخاص موشرظ غرفه حتى لوبسطاوله .. شنو شعورك اذا احد يقلب اوراقق او يبطل لابتوبك .. ابلاغه شف ولقافه .. لان وايد اصادف هالنوعيه.

. مثلا اكون زايره يدتي ومبطله لابتوبي .. وواحد ناداني ..فاضطر اخلي شغلي واروح .. وابغض شي عندي لي رديت الاقي احد متعبث في اللابتوب او قاعد يستخدمه بدون استئذان.

مااحب احد يتليقب .. انا من كيفي اوكي .. غيره لأ

يمكن طلعت من موضوع الى موضوع بس احسهم ارتبطوا مع بعض
مملكتكم الخاصه
وتطفل الناس
شتقولون؟

PostSecret

البلوق عجيييب عن طريقه تقدرون تفضفضون عن كل اللي بقلبكم اي سر عندكم وموقادرين تقولونه حق احد قولوه في هذا البلوق مو بس جذي.. اكو 3 كتب نزلت السوق عن طريق هالبلوق ينشر كل الاسرار .. طبعا لما تفضفضون بس تكتبون السر من غير اي معلومات شخصيه .. وهال3 كتب تقدرون تطلبونها عن طريق امازوون

Sodfa

اعرفك نفسي يا يومي يا أمسي

احب قعدة البيت والهدوووء وداري بالاخص .. مااااااااااا احب الازعاج بكل
انواعه .. حبيت البلوق حسيته عالم يديد وخفيف طينه .. مافيه دبلة جبد .. لاني مااواااطن احد يحن علي .. احب مجلات الديكور المودرن واااايد .. بس مو المودرن البحت لأ احب كونبرري مودرن يعني مودرن مخلوط بتطعيم اخر من كلاسيك او كونتري..
احب اصور واحب احد يصورني .. امووت على الترزز حق الكاميرا.. مادري ليش حبيت فانكوفر وجولي وبربلوشز وكاريزما :) يمكن عشان احب الصور الحلوه؟؟ وصوركم اتينن .. احب الصور الشخصيه الحلوه اللي وجوهم حلوه ممثلين اشخاص مااعرفهم .. احب البورتريهات والصور عموما

اذا بطلت اللاب توب لحد يتوقع اني ارد على اي سؤال يسؤلوني .. موديلي تسبه اذا مسكت الشي
بالمختصر مستحييل اسوي شيين بوقت واااحد
برووود قااتل.. بس تعودوا علي الحمدالله .. الفال لكم

احب السفر وااااااااااااااايد احب اروح اماكن يديده .. احب اشتري انتيكات وسوفينير .. وهابه اشتري كبوس من كل ديره اطبها .. ومستانسه على هالحركه .. يعني شي يديد لول.. مممم ماعندي مشكله اني اجاوب الناس بكل شي اعرفه من معلومات يعني مونوعي اغبي وماادري .. لأ احب اساعد بكل مااوتيت من قوه .. برجي الاسد .. وعندي عشق كبير حق هالبرج .. ودي اسوي مشروع اثبت فيه جدارتي .. اذا عندكم افكار حق مشروع يحقق ايراد حلو ويعتبر ناجح بالكويت ارحب بكل اقتراحاتكم ..
وسلامتكم

اهداء
درب المحبه

تفرغت لك ياساكن القلب لحالك
تقل غيرك من الناس ماهم بحييني





عجيبه